Прэм'ер-міністр Чэхіі ідзе ў адстаўку пасля хвалі арыштаў і ператрусаў
Пётр Нечас плануе зрабіць заяву ў панядзелак. Ён сыходзіць не толькі з ураду, але і з пасады кіраўніка правячай Грамадзянскай дэмакратычнай партыі.
Нечас паведаміў, што абмяркуе кандыдатуру новага прэм'ер-міністра з прэзідэнтам Чэхіі Мілашам Земанам.
Нагадаем, на мінулым тыдні пракуратура Чэхіі выставіла абвінавачанні сямі затрыманым працаўнікам дзяржустановаў, у тым ліку кіраўніку сакратарыяту прэм'ера Яне Нагіёвай і дваім супрацоўнікам вайсковай разведкі. Прайшлі шматлікія арышты, у тым ліку і ў мінабароны. Сярод абвінавачанняў — злоўжыванне функцыямі вайсковай разведкі, інфармуе РІА "Новости".
Фота — AFP
