Упраўленне дэпартамента фінансавых расследаванняў Камітэта дзяржкантроля па Гомельскай вобласці праверыла Мазырскі спіртзавод. Былі выяўленыя шматлікія парушэнні, якія датычаць дзейнасці кіраўніка прадпрыемства.
У 2013-2014 гадах дырэктар загадваў сваім падначаленым адлюстроўваць фактычную выручку і аб'ёмы рэалізаванай прадукцыі прадпрыемства не ў поўным аб'ёме. У выніку ён ухіліўся ад выплаты ў бюджэт 25,5 млрд рублёў падаткаў. Пасля праверкі грошы гэтыя завод пералічыў. Таксама кіраўнік прадастаўляў у банкі дакументы, якія ўтрымлівалі непраўдзівыя звесткі, але спрыялі атрыманню крэдытаў.
Як інфармуе БЕЛТА, у адносінах дырэктара спіртзавода распачалі 12 крымінальных справаў. Гэта і ўхіленне ад выплаты падаткаў, і злоўжыванне ўладай ці службовымі паўнамоцтвамі, і выманьванне крэдыту.
Фота: Fotolia
