Праваслаўнага святара затрымалі ў Мінску праз малітву за абаронцаў Украіны
Дыянісій Карасталёў / t.me/viasna96
У Мінску супрацоўнікі ГУБАЗіКа затрымалі святара Дыянісія Карасталёва з храма іконы Божай Маці "Усіх тужлівых Радасць". Нагодай стала малітва за абаронцаў Украіны. Паведамленне пра гэта з'явілася ў праўладным тэлеграм-канале.
Па словах сілавікоў, святар "мае нацыяналістычныя татуіроўкі, распаўсюджвае бчб-сімволіку і адпаведныя ідэі". Таксама іх чамусьці зачапіла, што праваслаўны святар "гуляе ў камп'ютарныя гульні пад дзіўным нікам (PICAPS MachoBY)".
