Вы тут

Праваабаронцы ладзяць марафон салідарнасці з палітвязнямі

Фота: belsat.eu

20-25 жніўня валанцёрская служба праваабарончага цэнтра "Вясна" праводзіць тыдзень падтрымкі палітычных вязняў Беларусі, паведамляе "Белсат".

Гэтымі днямі кожны можа наведаць офіс "Вясны" ў Мінску (прасп. Незалежнасці, 78-а, 48) і падпісаць паштоўкі, якія потым адашлюць палітвязням.

На 22 жніўня запланаваная імпрэза, дзе прэзентуюць гісторыі палітвязняў з усяго свету. Таксама на ёй можна будзе пагутарыць з былымі беларускімі вязнямі сумлення.

Цяпер за кратамі ў Беларусі знаходзяцца два чалавекі, якіх праваабаронцы лічаць палітвязнямі. Гэта Зміцер Паліенка і Міхаіл Жамчужны.