Пракуратура абскардзіла арышт Навальнага
Абвінавачанне нагадала, што прысуд не набыў законную моц, таму арышт незаконны.
Нагадаем, што ў чацвер Ленінскі раённы суд прызнаў блогера вінаватым у крадзяжы маёмасці прадпрыемства "Кіраўлес". Яго асудзілі на 5 гадоў пазбаўлення волі. Апазіцыянера ўзялі пад арышт у зале суда і адправілі ў СІЗА.
Кіраўскі абласны суд разгледзіць апеляцыю пракуратуры ў пятніцу, 19 ліпеня, перадае РБК. Пракуратура патрабуе абраць да блогера такую меру стрымання, як падпіска пра нявыезд.
Фота — AFP
