Прадпрымальніка з Расонаў асудзілі на "суткі" за падпіску на Youtube-канал NEXTA
![За падпіску на Youtube-канал NEXTA прадпрымальнік трапіў на "суткі" / pexels.com](/sites/default/files/styles/gallery_main/public/2023-08/rasony-2206.jpg.webp?itok=_SxeaKbq)
За падпіску на Youtube-канал NEXTA прадпрымальнік трапіў на "суткі" / pexels.com
Суддзя Расонскага раёна Рада Дамініч 6 чэрвеня прысудзіла 7 сутак арышту мясцоваму прадпрымальніку Алегу Несцяровічу, паведамляюць праваабаронцы.
Прадпрымальніка асудзілі за падпіску на Youtube-канал NEXTA, які ўлады лічаць "экстрэмісцкім".
На судзе Несцяровіч патлумачыў, што дастаткова даўно адпісаўся ад тг-канала "NEXTA", а на Youtube-канал даўно не зазіраў, але забыўся адпісацца. Таксама ён сказаў, што не ведаў пра ўключэнне гэтых каналаў у "экстрэмісцкі" спіс. На гэтых падставах мужчына прасіў пакараць яго штрафам.
Аднак суддзя палічыла доказы, прад'яўленыя міліцыянтамі, дастатковымі для таго, каб адправіць прадпрымальніка на "суткі".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.