Працяг "шпіёнскага скандалу": Украіна выслала беларускага дыпламата
![Працяг "шпіёнскага скандалу": Украіна выслала беларускага дыпламата](/sites/default/files/styles/gallery_main/public/2023-08/mfa-ukr-2111.jpg.webp?itok=1tmNs47g)
У адказ на высылку дарадцы ўкраінскай амбасады ў Беларусі Украіна выслала дыпламата, які прадстаўляў нашую краіну. Прозвішча высланага дыпламата не называецца, але вядома, што гэта першы сакратар амбасады Беларусі ва Украіне.
У каментары Радыё "Свабода" прэс-сакратар МЗС Украіны Мар'яна Беца патлумачыла: "У сувязі з тым, што беларускі бок абвясціў "персонай нон-грата" і выслаў украінскага дыпламата, Украіна, кіруючыся прынцыпам узаемнасці, таксама выслала беларускага дыпламата з краіны".
Як вядома, апошнімі днямі ў Беларусі разгарэўся "шпіёнскі скандал". КДБ Беларусі затрымаў украінскага журналіста Паўла Шаройку і абвінаваціў яго ў шпіянажы. Паводле КДБ, Шаройка стварыў у нашай краіне шпіёнскую сетку. Яго дзейнасць нібыта курыраваў дарадца ўкраінскай амбасады Ігар Скарцоў, якога назвалі супрацоўнікам Галоўнага ўпраўлення разведкі Украіны. Яго выслалі з Беларусі.