Праблемы на чыгунцы, цягнікі паміж Мінскам і Барысавам спазняліся
![У тумане (ілюстрацыйнае фота)](/sites/default/files/styles/gallery_main/public/2023-11/216557_900.jpg.webp?itok=I6-BylJz)
У тумане (ілюстрацыйнае фота) / roman983.livejournal.com
Раніцай 3 лістапада ўзніклі праблемы на чыгунцы, цягнікі паміж Мінскам і Барысавам ідуць са спазненнем. Беларуская чыгунка спасылаецца на "тэхнічныя прычыны" — на няспраўнасць кантактнай сеткі на перагоне Смалявічы — Гарадзішча.
Пасажырскія цягнікі спазняюцца ад 6-й гадзіны раніцы. Арыентыровачны час затрымкі складае ад 15 хвілін да паўтары гадзіны.
Беларуская чыгунка паведамляе, што "прымае ўсе неабходныя меры па ліквідацыі няспраўнасці, аднаўленню графіка руху цягнікоў і дастаўцы пасажыраў у пункты прызначэння". Праблему ліквідавалі толькі ў 10:20.
Падобнае здарэнне на ўчастку чыгункі паміж Мінскам і Барысавам адбылося ў верасні. Прычыну называлі тую ж.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.