Пра “пуцінскі тэрор” за мяжой, “выбарчы” марафон і ракеты Шольца — эфір
Аляксандр Фрыдман / Еўрарадыё
Пакуль канцлер Германіі Шольц разважае пра нейкія “чырвоныя лініі” ў дачыненнях з Крамлём, якія могуць быць пяройдзеныя праз пастаўкі ракет Taurus Украіне, расійскія агенты спакойна нападаюць на апанентаў Пуціна за мяжой. Так, напад на паплечніка Навальнага ў Вільні ўжо назвалі “пуцінскім тэрорам”. Такі падарунак Пуціну напярэдадні яго перавыбараў, каб прадэманстраваць сілу Крамля за межамі Расіі. Што ў самой Расіі робяць украінскія беспілотнікі — гэта іншае, вядома.
Ці сапраўды збіццё Волкава ў Вільні — гэта знак з Крамля апанентам Пуціна і наколькі шырокім можа быць такі “тэрор”? Ці гатовы Захад да вайны з Расіяй, на што разлічваюць Трамп і Орбан і чаму Шольц так не хоча расставацца з ракетамі Taurus? Што адбываецца ў дэмсілах і ці не стануць выбары ў КР прычынай чарговага расколу ў іх шэрагах? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам.
