Польскія журналісты пішуць аб гібелі трох чалавек на мяжы з Беларуссю
![Пакуль знойдзена цела аднаго чалавека / bialystok.wyborcza.pl](/sites/default/files/styles/gallery_main/public/2023-08/migr_13_01.jpg.webp?itok=uv77ZAaC)
Пакуль знойдзена цела аднаго чалавека / bialystok.wyborcza.pl
Пра гібель, як мяркуецца, трох чалавек на польска-беларускай мяжы піша рэсурс bialystok.wyborcza.pl. Цела аднаго чалавека знойдзена, але шукаюць яшчэ два целы. Пра гэта журналістам стала вядома неафіцыйна ад супрацоўніцы прэс-групы Падляскай паліцыі. Паводле яе, інфармацыя ў паліцыю паступіла ад памежнікаў.
"На месца выехала вышукова-следчая група, якая будзе выконваць дзеянні пад наглядам пракуратуры", — кажа прадстаўніца паліцыі.
Атрымаць каментар у памежнікаў журналісты так і не змаглі. Прадстаўнік ведамства спачатку напісала, што не можа гаварыць, а потым парэкамендавала звяртацца ў паліцыю і пракуратуру. Загінулыя, як мяркуецца, былі бежанцамі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.