Польскія ратавальнікі шукалі беларуса ў Балтыйскім моры, а ён спаў на беразе

Польскія ратавальнікі шукалі беларуса ў Балтыйскім моры, а ён у гэты час спаў на беразе. Пра гэтую гісторыю піша puck.naszemiasto.pl. Па звестках выдання, ратавальнікі на катэры шукалі турыста з Беларусі некалькі дзясяткаў хвілін. Меркавалася, што мужчына, які адпачываў на пляжы і пайшоў купацца, патануў.

Аднак праз паўгадзіны паліцэйскія знайшлі беларуса на беразе — ён спаў у кустах і быў моцна п'яны. Яго паводзіны выданне называе "безадказнымі".