Польшча адправіла вадамёт да мяжы з Беларуссю праз "агрэсіўных замежнікаў"
![Мяжа Польшчы з Беларуссю 11 жніўня 2023 года / twitter.com/Straz_Graniczna](/sites/default/files/styles/gallery_main/public/2023-08/granica_1.jpg.webp?itok=ltD93LT8)
Мяжа Польшчы з Беларуссю 11 жніўня 2023 года / twitter.com/Straz_Graniczna
За 11 жніўня з Беларусі ў Польшчу спрабавалі незаконна трапіць 106 чалавек. Сярод іх была група прыкладна з 40 замежнікаў, якая паводзіла сябе агрэсіўна, паведамляе памежная служба Польшчы.
— У аднаго з іх быў нож, кідалі камяні. На месца здарэння накіравалі аўтамабіль "Тайфун" з вадамётамі.
Яшчэ адна група з 25 чалавек спрабавала трапіць у Польшчу праз раку Пшэўлока. Іх затрымалі.
Мігранты былі з Ірака, Пакістана, Ірана, Туркменістана, Сірыі, Конга і Эрытрэі.
Усё адбывалася ў той жа дзень, калі Аляксандр Лукашэнка даручыў прэм'еру Раману Галоўчанку паляпшаць адносіны з еўрапейскімі суседзямі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.