Павел Якубовіч — пра скандальнае графіці: Высоканізкамастацкі малюнак

Тэма скандальнага графіці, прысвечанага беларуска-расійскаму сяброўства, была ўзнятая ў тэлепраграме "Клуб рэдактараў", якая выйшла 12 чэрвеня на канале "Беларусь 1".

З крытыкай твора выступіў Павел Якубовіч — галоўны рэдактар газеты "СБ — Беларусь сегодня", органа Адміністрацыі прэзідэнта. "Сама ідэя гэтага малюнка мне падалася высоканізкамастацкай. Мне ён не падаўся, шчыра кажучы, вартым горада Мінска", — заявіў галоўны рэдактар.

Яму запярэчыў кіраўнік Белтэлерадыёкампаніі Генадзь Давыдзька: "А мне падаўся вартым".

Як паведамлялася раней, мурал выклікаў гарачую крытыку ў сацсетках, а вось жыхары навакольных дамоў ухвалілі малюнак.