Паўночнакарэйцам напярэдадні шторму загадалі ратаваць партрэты Кіма
Кім Чэн Ын / KCNA
Паўночнакарэйцам сказалі зрабіць усё магчымае, каб выратаваць партрэты дынастыі Кімаў у выпадку затаплення. Так краіна рыхтуецца да трапічнага шторму Ханун, піша The Guardian.
Таксама грамадзянам краіны загадалі берагчы статуі, мазаікі, фрэскі і іншыя помнікі дынастыі Кімаў, якая кіруе КНДР з моманту заснавання краіны ў 1948 годзе.
Стыхійныя бедствы могуць мець разбуральныя наступствы для збяднелай Поўначы, гэты рэгіён асабліва ўразлівы перад паводкамі. Трапічны шторм ужо выклікаў паводкі і апоўзні ў Паўднёвай Карэі.
