Паўла Севярынца асудзілі на 10 сутак
Сустаршыню аргкамітэта партыі БХД Паўла Севярынца асудзілі ў судзе Мінскага раёна на 10 сутак арышту.
Абодва сведкі-міліцыянты патлумачылі віну затрыманага палітыка: "Гэты грамадзянін даваў інтэрв'ю журналістам на беларускай мове". Гэтыя паказанні зацытавала ў Фэйсбуку паведаміла Таццяна Уласенка.
Па яе словах, суддзя А. Крапачоў выдаліў з залы жонку Севярынца Вольгу з пяцімесячным сынам Францішкам. Суддзя заявіў, што судовы працэс можа траўмаваць псіхіку дзіцяці.
Паўла Севярынца, аднаго з актыўных абаронцаў Курапатаў, затрымалі 5 верасня недалёка ад мемарыяльнага ўрочышча.
На 9 верасня Севярынец абвяшчаў масавую акцыю ў Курапатах, каб вырашыць, што надалей рабіць з курапацкай вахтай. Цяпер ён не зможа прысутнічаць на акцыі.
