Пасля сутыкнення ў Мінску BMW і маршруткі ў бальніцу трапілі 3 чалавекі

Пасля сутыкнення ў Мінску BMW і маршрутнага таксі Volkswagen у бальніцу трапілі 3 чалавекі, інфармуе ў Telegram сталічная ДАІ. Здарэнне адбылося ўвечары ў сераду на скрыжаванні вуліц Гарэцкага і Мазурава. BMW паварочваў з Гарэцкага на Мазурава, калі адбылося сутыкненне. У аўтааварыі быў пашкоджаны і аўтамабіль Peugeot.

Пацярпелі кіроўца BMW і двое пасажыраў маршрутнага таксі. Усіх іх завезлі ў бальніцу хуткай меддапамогі. Па факце ДТЗ праводзіцца праверка.