Партыя БНФ рызыкуе страціць легендарную "Сядзібу"

Арганізацыі давядзецца плаціць за офіс у цэнтры Мінску каля 5 тысяч долараў за месяц. Раней арэнда каштавала ў 10 разоў танней — 500 долараў. Партыя БНФ шукае грошы для таго, каб працягнуць арэнду сядзібы. Арганізацыі давядзецца плаціць за офіс у цэнтры Мінску каля 5 тысяч долараў за месяц. Раней арэнда каштавала ў 10 разоў танней — 500 долараў.

Намеснік старшыні партыі Віктар Івашкевіч вялікай трагедыі ў сітуацыі не бачыць, бо асноўны рэсурс партыі — людзі, а не памяшканні:

Івашкевіч: “Не знойдзем — то будзем дзейнічаць без офісу! Гэта не значыць, што Партыя БНФ самаліквідуецца: БНФ — гэта людзі”.

Разам з тым, Віктар Івашкевіч не падтрымаў чуткі пра тое, што на Сядзібу БНФ па Машэрава, 8 ужо прэтэндуюць іншыя партыі ці арганізацыі. Ён заявіў, што нічога не ведае пра такія намеры.

Фота: Радыё Свабода