Папулярная Свінка Пэпа, птэразаўры і дзеці рысу: толькі добрыя навіны

Лыжка мёду на Еўрарадыё​
Лыжка мёду на Еўрарадыё​

Пакуль на адным краі Зямлі здабываюць драўніну без высечкі лесу, а на іншым — вывучаюць закамянеласці гіганцкіх лятучых дыназаўраў, Свінка Пэпа выпускае альбом і становіцца папулярней, чым The Beatles. 

Навошта японцы дзеляцца са сваякамі дзецьмі з рысу і як выглядае вельмі рэдкі далёкаўсходні леапард?

Пра гэта і не толькі ў аглядзе самых добрых, смешных, а часам абсурдных навін на Еўрарадыё.

 

Знойдзены закамянеласці лятучых дыназаўраў

У графстве Уанамара палеантолагі знайшлі закамянеласці гіганцкіх птэразаўраў з метровымі сківіцамі. Групе навукоўцаў спатрэбілася дзесяць гадоў, каб стварыць мадэль знешняга выгляду вялізнай лятаючай жывёлы. Так яны змаглі даказаць, што закамянеласці належаць да раней не апісанага віду птэразаўраў. 

Крылатая рэптылія жыла 105 мільёнаў гадоў таму ў крэйдавым перыядзе. Асноўныя рысы: маленькае цела, велізарныя крылы, чэрап і магутныя сківіцы. Праз тое, што косткі жывёл былі тонкімі і полымі ўнутры, яны маглі хутка лётаць і паляваць.

Популярная Свинка Пеппа, птерозавры и дети риса: только хорошие новости
Птэразаўр / University of Queensland

Свінка Пэпа абагнала The Beatles

Свінка Пэпа выпусціла свой другі альбом. Музычныя крытыкі ацанілі пласцінку вышэй за творчасць The Beatles, Daft Punk, Ланы Дэль Рэй і іншых выканаўцаў.

Свінка Пэпа неверагодна папулярная. У яе ёсць уласны тэматычны парк забаў, а яе серыял працягнулі да 2027 года. Дарэчы, у Амерыцы падрастае цэлае пакаленне дзяцей, якія гавораць праз Пэпу з брытанскім акцэнтам.

У Pitchfork Пэпу называюць "поп-феноменам". 

"Ёй усяго чатыры гады, і яна адна з нямногіх свіней, якія працуюць сёння ў музычнай індустрыі. Узлёт Пэпы быў настолькі імклівым, наколькі і неверагодным",піша выданне.

Вельмі рэдкі леапард знойдзены ў Прымор'і

Далёкаўсходні леапард, які ні разу не фіксаваўся навукоўцамі, трапіў на відэа ў Нацыянальным парку "Зямля леапарда" Прыморскага краю. 

На відэа намаляваны чырвонакніжны драпежнік узростам каля паўтара года.

Здабываць драўніну, не забіваючы лес

Японцы ўжо 700 гадоў вырабляюць драўніну без высечкі дрэў.

Дайсугі — тэхніка вырошчвання японскага кедра. У дрэва ссякаюць асноўны ствол, а пасля гэтага з параслі на пні фармуецца мноства прамых ствалоў, якія растуць вертыкальна ўверх.

Вось іх і ссякаюць, не знішчаючы дрэва цалкам; пазней яно выпускае іншыя парасткі ад каранёвай сістэмы, якая захавалася.

Популярная Свинка Пеппа, птерозавры и дети риса: только хорошие новости
Лес / mediabrest.by

Дзеці рысу

Каб было што абняць падчас пандэміі, у Японіі бацькі адпраўляюць сваякам мяшкі з рысам. Яны важаць прыкладна столькі ж, колькі дзіця пры нараджэнні.

У мяшкоў бывае самы розны дызайн, некаторыя з іх маюць форму малога, загорнутага ў коўдру. Так блізкія могуць адчуць, быццам яны абдымаюць нованароджанае дзіця, бо сваякі размяшчаюць фота немаўля.

"Упершыню ідэя з'явілася каля 14 гадоў таму, калі нарадзіўся мой уласны сын і я думаў пра тое, што магу зрабіць для сваякоў, якія жывуць далёка і не могуць прыехаць і пабачыцца з ім. Таму мы вырашылі зрабіць мяшэчкі з рысам такой жа вагі і формы, што і дзіця", — распавёў уладальнік крамы рысу Наруа Она.

Популярная Свинка Пеппа, птерозавры и дети риса: только хорошие новости
Незвычайны падарунак з Японіі / theguardian.com

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі