Памежнікі знайшлі ў правадніцы ў бюстгальтары паўмільёна расійскіх рублёў (фота)
Здарэнне адбылося на ўкраінска-расійскай мяжы.
Украінскія памежнікі і мытнікі аглядалі цягнік "Жмерынка — Масква" ды заўважылі, што правадніца аднаго з вагонаў прыкметна хвалюецца. Падчас размовы 33-гадовая жанчына прызналася, што схавала ў бюстгальтары 500 тысяч расійскіх рублёў (больш за 16 тысяч долараў), якія хацела правезці праз мяжу. Грошы яна была вымушаная аддаць, інфармуе Дзяржаўная памежная служба Украіны.
