Палякі знялі беларускіх памежнікаў з нажніцамі для разразання калючага дроту

 Палякі знялі беларускіх памежнікаў з нажніцамі для разразання калючага дроту

Палякі сфатаграфавалі беларускіх памежнікаў з нажніцамі для разразання калючага дроту. Здымак апублікаваў у Twitter міністр абароны Польшчы Марыюш Блашчак.

"Падобныя сітуацыі на мяжы — звычайная справа, — піша ён. — Крызіс на мяжы выклікаў рэжым Лукашэнкі. Беларускія вайскоўцы штодня спрабуюць нагнятаць сітуацыю, выкарыстоўваюць правакацыі і падштурхоўваюць мігрантаў на польскі бок".

Ад жніўня польскія памежнікі спынілі 30 тысяч спроб незаконнай міграцыі з Беларусі. Сотні мігрантаў з Сірыі, Ірака і іншых краін штодня спрабуюць нелегальна перайсці ў Польшчу.

У той час, калі польскі бок ускладае адказнасць за міграцыйны крызіс на афіцыйны Мінск, улады Беларусі гэта абвяргаюць. Як і абвінавачванні Варшавы ў правакацыях на мяжы. У МЗС нашай краіны выклікалі часовага паверанага ў справах Польшчы Марціна Вайцэхоўскага.

Польшча пабудуе на мяжы з Беларуссю плот вышынёй 5,5 метра, які павінен перашкаджаць спробам яе незаконнага перасячэння.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі