Палітвязень Ціхан Клюкач выйшаў на волю і з'ехаў за мяжу
Брэсцкі палітвязень Ціхан Клюкач выйшаў на волю і пакінуў Беларусь, паведамляюць праваабаронцы.
Хлопец цалкам адбыў свой тэрмін — паўтара года калоніі. Яго асудзілі за ўдзел у мінскім "Маршы адзінства", абвінаваціўшы ў "грубым парушэнні грамадскага парадку". На той момант Ціхану было толькі 18 гадоў.
Юнака затрымалі ў лістападзе 2020 года, спачатку пасадзілі на "суткі", якія некалькі разоў падаўжалі. А потым перавялі ў СІЗА Жодзіна. З-за кратаў ён дасылаў прыгожыя малюнкі.
Ціхан выйшаў на волю 9 сакавіка, пасля чаго з'ехаў за мяжу.
