Палітзняволеную Дар'ю Лосік перавялі ў СІЗА Баранавічаў
Дар'я Лосік / svaboda.org
Палітзняволеную Дар'ю Лосік да разгляду яе апеляцыйнай скаргі перавялі ў баранавіцкі следчы ізалятар (СІЗА) №6, пішуць праваабаронцы.
Дар'ю асудзілі за інтэрв'ю, якое яна дала тэлеканалу "Белсат" — у Беларусі ён прызнаны экстрэмісцкім. 19 студзеня Брэсцкі абласны суд прысудзіў ёй два гады калоніі агульнага рэжыму.
Муж Дар'і Ігар Лосік, асуджаны на 15 гадоў, адбывае тэрмін у наваполацкай калоніі. Іх чатырохгадовая дачка Паўліна знаходзіцца з бабулямі і дзядулямі.
