Палітвязня Ігара Лосіка, верагодна, змясцілі ў памяшканне камернага тыпу

Палітзняволены Ігар Лосік, верагодна, знаходзіцца ў калоніі ў памяшканні камернага тыпу, піша тг-канал "Позірк".

Прычына і тэрмін пакарання Лосіка невядомыя.

Апошні ліст ад яго бацькам прыйшоў 20 лютага. Таксама палітвязню не дазваляюць сустрэцца з адвакатам.

Паведамляецца, што Лосік шмат чытае, яго выводзяць на прагулкі.

Ігара Лосіка затрымалі ў чэрвені 2020-га, яшчэ да выбараў. Па "справе Ціханоўскага" яму прысудзілі 15 гадоў пазбаўлення волі. Яго жонку Дар'ю асудзілі за інтэрв'ю тэлеканалу "Белсат" і за тое, што называла мужа палітвязнем. Дачка Лосікаў знаходзіцца з бабулямі і дзядулямі.

Ёсць звесткі, што 15 сакавіка Ігар Лосік спрабаваў скончыць жыццё самагубствам.