Паліцыя затрымала старшыню арганізацыі, якая выдала грузавік беларускім турыстам

Паліцыя затрымала старшыню арганізацыі, якая выдала грузавік беларускім турыстам

Нацыянальная паліцыя Украіны затрымала старшыню федэрацыі рафтынгу Прыкарпацця. Гэтая грамадская арганізацыя дазволіла перавозкі грузавіком, які напярэдадні зваліўся з абрыву ў раку з 23 беларускімі турыстамі. Пра затрыманне піша "Украінская праўда" са словаў прэс-сакратара Нацпаліцыі Яраслава Тракалы.

"52-гадовы кіраўнік ГА "Федэрацыя рафтынгу Прыкарпацця" затрыманы ў парадку арт. 208 КПК Украіны. Пачата дасудовае расследаванне паводле арт.287 Крымінальнага кодэкса Украіны", — паведаміў ён. Тракала патлумачыў, што крымінальная справа пачатая за выпуск у эксплуатацыю тэхнічна няспраўных транспартных сродкаў або іншае парушэнне іх эксплуатацыі.

8 траўня, дадаў прадстаўнік Нацпаліцыі, суд разгледзіць меру стрымання затрыманаму раней кіроўцу аўтамабіля. 

Нагадаем, што 6 траўня ў Карпатах у раку з 40-метровай вышыні зваліўся грузавік з 23 беларускімі турыстамі. Трое з іх загінулі, дзесяць атрымалі разнастайныя траўмы. 

Апошнія навіны

Галоўнае

Выбар рэдакцыі