Вы тут

Падлеткам Краснаполля на Дзень Перамогі далі міліцэйскія шчыты і дубінкі

Так адсвяткавалі Дзень Перамогі ў Краснаполлі / redflag.by

Арыгінальна падышлі да святкавання Дня Перамогі ў Краснаполлі на Магілёўшчыне. Там святкаванне прайшло 7 траўня ў гарадскім скверы, піша мясцовая газета "Чырвоны сцяг". 

Сярод іншага ў сверы паставілі дэманстрацыйную пляцоўку раённай міліцыі. На ёй можна было пабачыць спецыяльныя сродкі супрацоўнікаў органаў унутраных спраў: шчыт, абарончую каску, бронекамізэльку, гумовую дубінку ПР-73, кайданкі.

"Ахвочыя мелі магчымасць прымерыць на сябе абмундзіраванне, а таксама зрабіць фатаграфіі з тэхнікай, якая была прадстаўлена на інтэрактыўных выставах", — піша "Чырвоны сцяг".

Якое дачыненне міліцэйскія шчыты, дубінкі і кайданкі маюць да святкавання Перамогі, не тлумачыцца.

Так адсвяткавалі Дзень Перамогі ў Краснаполлі / redflag.by
Так адсвяткавалі Дзень Перамогі ў Краснаполлі / redflag.by

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.