Вы тут

Падчас пажару на Віцебскай птушкафабрыцы загінуў чалавек

Будынак, які загарэўся / МНС​

На Віцебскай птушкафабрыцы адбыўся пажар, адзін чалавек загінуў, паведамляюць ратавальнікі.

Трагедыя адбылася сёння раніцай на тэрыторыі Віцебскай бройлернай птушкафабрыкі ў гарадскім пасёлку Вярхоўе.

Пасля прыбыцця на месца здарэння ратавальнікі выявілі, што гарыць не ўведзены ў эксплуатацыю аб'ект будаўніцтва.

Падчас ліквідацыі пажару пад абваленымі канструкцыямі знайшлі труп 59-гадовага мужчыны, работніка будаўнічага прадпрыемства.

Пажар ліквідаваны, вядзецца праверка.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.