Падчас лёсавання футбольнага чэмпіянату Беларусі з’явілася “16-я каманда”

26 лютага ў Мінску ў Доме футбола прайшло лёсаванне чэмпіянату Беларусі па футболе ў вышэйшай лізе. З-за таго, што “Крумкачы” не атрымалі ліцэнзію, замест іх у календары прысутнічае “16-я каманда”. Клуб мае тры дні, каб падаць апеляцыю. Атрымліваецца, што альбо “Крумкачы” будуць усё ж дапушчаныя да першынства, альбо іх можа замяніць каманда з першай лігі (мінскае “Тарпеда”). Сітуацыя мусіць высветліцца ў бліжэйшы час. Дарэчы, у “Крумкачоў” з’явіўся спонсар-замежнік, які мае 51% акцый.

Паводле лёсавання, у першым туры чэмпіянату, які прызначаны на 30-31 сакавіка і на 1 красавіка, сустрэнуцца:

“Дынама” (Мінск) — “Тарпеда-БелАЗ”,

“Іслач” — “16-я каманда”,

“Гарадзея” — “Дняпро”,

“Гомель” — “Слуцк”,

“Нёман” — “Віцебск”,

“Шахцёр” — “Дынама” (Брэст),

“Прамень” — “Мінск”,

БАТЭ — “Смалявічы”.

У 2-м туры 6-8 красавіка згуляюць:

“Тарпеда-БелАЗ” — “Смалявічы”,

“Мінск” — БАТЭ,

“Дынама” (Брэст) — “Прамень”,

“Віцебск” — “Шахцёр”,

“Слуцк” — “Нёман”,

“Дняпро” — “Гомель”,

“16-я каманда” — “Гарадзея”,

“Дынама” (Мінск) — “Іслач”.