Падчас фармавання выбарчай камісіі "згубіўся" голас старшыні Мінгарвыканкама

Падчас фармавання выбарчай камісіі "згубіўся" голас старшыні Мінгарвыканкама

Падчас фармавання сталічнай выбарчай камісіі "згубіўся" голас старшыні Мінгарвыканкама Анатоля Сівака. Пра гэтую сітуацыю распавёў на сваёй старонцы ў Facebook старшыня Руху "За Свабоду" Юрый Губарэвіч.

Камісія фармавалася на сумесным пасяджэнні прэзідыумаў гарадскіх савета і выканкама. Прысутныя галасавалі за прапанаваныя кандыдатуры. Не дзіўна, што апазіцыянеры падтрымкі не атрымлівалі.

"Але нават гадамі адладжаная сістэма можа даваць збой, піша Губарэвіч, які прысутнічаў на пасяджэнні ў якасці назіральніка. — У часе галасавання за прадстаўніка "Г[авары] П[раўду]", Уладзіміра Букштынава, “мэр” Мінска Анатолій Сівак быў адзіным, хто нясмела падняў руку. Агучваюць вынікі галасавання і там па Букштынаву: 0 — за, 22 — супраць. Давялося настаяць на правядзенні паўторнага галасавання па ўсіх 20 кандыдатурах, вылучаных у склад Мінскай гарадской выбарчай камісіі".

У выніку ніхто з апазіцыянераў у выбарчую гарадскую камісію ў Мінску не патрапіў.

Выбары ў Палату прадстаўнікоў пройдуць 17 лістапада.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі