Вы тут

Пад Мінскам затрымалі пацыента вар'ятні, які спрабаваў згвалціць медсястру

Затрыманы / minobl.mvd.gov.by

У Мінскім раёне затрымалі пацыента Грозаўскага псіханеўралагічнага дыспансера, які знаходзіцца ў вёсцы Канюхі Капыльскага раёна, інфармуе прэс-служба міліцыі Мінскай вобласці. Амаль месяц таму 25-гадовы мужчына спрабаваў згвалціць 40-гадовую медсястру. У яго быў металічны прут, якім ён пагражаў, хапаў жанчыну за шыю, рукі, за адзенне. Жанчына паклікала на дапамогу санітара, пасля чаго пацыент уцёк.

Як бачым, па гарачых слядах затрымаць мужчыну не ўдалося. Нядаўна яго знайшлі і затрымалі супрацоўнікі крымінальнага вышуку УУС Мінаблвыканкама. Капыльскі раённы аддзел Следчага камітэта распачаў крымінальную справу.

minobl.mvd.gov.by

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.