Пачаўся новы раўнд украінска-расійскіх перамоваў
Пачаўся новы раўнд украінска-расійскіх перамоваў. На гэты раз яны праводзяцца анлайн. Папярэднія тры раўнды перамоваў прайшлі ў Беларусі.
Дарадца кіраўніка Офіса прэзідэнта Украіны і ўдзельнік перамоўнай украінскай групы Міхаіл Падаляк піша, што ў 4-м раўндзе мусіць быць абмеркавана наступнае: "Пра мір, прыпыненне агню, неадкладнае вывядзенне ўсіх войскаў і гарантыі бяспекі". Падаляк адзначае, што адбываецца "цяжкая размова". Ён піша, што расіяне дагэтуль перакананыя ў "правільным выбары стратэгіі".
"Бакі актыўна выказваюць свае пазіцыі, ужо ўдакладненыя, — пазней напісаў Міхаіл Падаляк. — Камунікацыя цяжка, але ідзе".
Переговори. 4-й раунд. Про мир, припинення вогню, негайне відведення всіх військ і гарантії безпеки. Важка розмова. РФ хоч і усвідомлює всю безглуздість своїх агресивних дій, проте залишається в ілюзії, що 19-денне насильство над мирними містами – правильний вибір стратегії. pic.twitter.com/0PpXhEWxvJ
— Михайло Подоляк (@Podolyak_M) March 14, 2022
