Пачаўся марафон салідарнасці з палітвязнямі. Сабраныя першыя 30 тысяч еўра
![У Беларусі амаль паўтары тысячы палітвязняў / Кадр з відэа](/sites/default/files/styles/gallery_main/public/2023-07/am.jpg.webp?itok=PS2mx03o)
У Беларусі амаль паўтары тысячы палітвязняў / Кадр з відэа
Марафон салідарнасці “Нам не ўсё адно” — ініцыятыва незалежных медыў. Падчас 12-гадзіннага марафону працуе збор на падтрымку для палітычных зняволеных і іх сем'яў. Сабрана больш за 31 тысячу еўра. Але мэта ўдзельнікаў марафону — 200 тысяч.
Да трансляцыі далучаюцца палітыкі, блогеры, дзеячы культуры, спартоўцы, грамадскія актывісты. Марафон будзе працягваецца з 10 раніцы да 22 гадзін вечара па Мінску. Еўрарадыё прымае ў сябе тры гадзіны марафона: з 17:30 да 20:30 па Мінску.
Данаты гледачоў збіраюцца на адзіны рахунак. Кантраляваць размеркаванне сродкаў для палітзняволеных будзе назіральная рада прадстаўнікоў медыяў — арганізатараў марафону.
Увага! Калі вы знаходзцеся ў Беларусі, то просім клапаціцца пра сваю бяспеку. Рэпосціць, лайкаць і каментаваць трансляцыю са сваіх персанальных акаунтаў — небяспечна. Калі вы хацелі б падтрымаць палітвязняў грашыма, то з Беларусі гэта таксама рабіць небяспечна, але вы можаце прапрасіць заданаціць сваіх сяброў і сваякоў, якія знаходзяцца за мяжой.
Глядзець марафон можна тут:
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.