Па апошніх дадзеных у Турцыі пры спробе перавароту загінула 190 чалавек
Падчас спробы вайсковага перавароту ў Турцыі загінулі 190 чалавек. Такія ўдакладненыя дадзеныя паведамляе выконваючы абавязкі кіраўніка Генштаба, генерал Уміт Дундар.
Па яго словах сярод загінуўшых 104 мяцежнікі, 41 паліцэйскі, два вайскоўцы і 47 цывільных асобаў, перадае брытанская газета the Guardian.
У Турцыі ў ноч на 16 ліпеня адбылася спроба ваеннага перавароту. Група вайскоўцаў захапіла масты праз Басфор у Стамбуле, аэрапорт Атацюрк, дзяржаўную тэлерадыёкампанію TRT, некаторыя адміністрацыйныя будынкі. Вайскоўцы выкарыстоўвалі танкі, прынамсі адзін верталёт. Ім супрацьстаяла паліцыя і спецслужбы.
