Orsha.eu: Забойца аршанскай паштаркі памёр у лякарні

У лякарні памёр ад ран мужчына, якія на мінулых выходных забіў у Оршы супрацоўніцу пошты і абрабаваў паштовае аддзяленне. Пра гэта піша Аршанскі рэгіянальны партал.

Як распавядала Еўрарадыё, 71-гадовы аршанец, раней неаднаразова судзімы, жортска забіў паштарку малатком, скраў з касы тры тысячы рублёў і падпаліў аддзяленне, каб схаваць сляды рабавання. 

Але пажар справакаваў працу сігналізацыі, і на месца выехалі супрацоўнікі дэпартамента "Ахова".

Мужчыну арыштавалі ў той жа вечар. Пры затрыманні сілавікі стралялі ў яго і паранілі. Некалькі дзён ён праляжаў у рэанімацыі пад аховай міліцыі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.