Нямецкі дог з'еў 43 шкарпэткі
Ветэрынары ў амерыканскім горадзе Портланд, штат Арэгон, дасталі са страўніка нямецкага дога 43 з паловай шкарпэткі.
Уладальнікі сабакі бачылі, як іх гадаванец жаваў шкарпэткі, але не маглі і падумаць, што ён іх заглатвае цалкам. Па словах ветэрынараў, якія перадае ВВС, ім ніколі не даводзілася даставаць столькі шкарпэтак са страўніка сабакі.
Дарэчы, ветэрынарам даводзілася мець справу з іншымі хатнімі гадаванцамі з незвычайнымі густамі. Так, нямецкі пойнтэр аднойчы праглынуў шампур для шашлыка, а жаба з'ела 30 маленькіх дэкаратыўных каменьчыкаў з акварыума.
Ілюстрацыйнае фота — sobakan.com
