Нямецкая паліцыя: Мы затрымалі не таго чалавека. Сапраўдны злачынца на волі

Затрыманы нямецкай паліцыяй 23-гадовы пакістанец — не той, хто здзейсніў напад на калядны кірмаш у Берліне. Пра гэта паведамляе Die Welt са спасылкай на крыніцы ў службах бяспекі. 

"Мы затрымалі несапраўднага злачынцу, — кажуць у паліцыі. — Сапраўдны забойца ўзброены і можа зладзіць новыя нападзенні".

У той жа час на ўваходах на калядныя кірмашы ў Берліне дзяжураць узброеныя паліцэйскія атрады. 

Увечары 19 снежня ў калядны кірмаш ля мемарыяльнай царквы кайзера Вільгельма ўрэзалася фура. 12 чалавек загінула, 48 пацярпела. 18 з іх знаходзяцца ў цяжкім стане. Выпадак прызнаны тэрактам.