"Новую газету" аштрафавалі за рэпартаж з акупаванага расіянамі Херсона

"Новую газету" аштрафавалі на 350 тысяч расійскіх рублёў за рэпартаж з акупаванага расіянамі Херсона (за распаўсюд "загадзя недакладнай грамадска значнай інфармацыі"). Каб напісаць яго, журналістка Алена Касцючэнка працяглы час правяла ў горадзе, хавалася ў сяброў, у сяброў сяброў, збягала ад назірання, рызыкавала жыццём.

Рэдакцыя "Новай" раней выдаліла гэты знакавы тэкст са свайго сайта па патрабаванні Генпракуратуры РФ. Але яго можна прачытаць на сайце Еўрарадыё.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.