Новая жыроўка: Зварыць тры літры баршчу — 24 капейкі, праехаць на ліфце — 2
Па новых тарыфах на камуналку, якія хутка прымуць, разлічваем, колькі і за што заплацім ужо ў сакавіку.
Закінуць рэчы ў пральную машыну і пракруціць іх на стандартным рэжыме будзе каштаваць 90 капеек. Калі праць 4 разы на месяц, то набяжыць больш за 3 рублі.
Адна паездка на ліфце абыдзецца ў 2 капейкі.
Пагрэцца ў гарачай ваннай будзе нятанна — 75 капеек. Калі прымаць ванну раз на дзень, то за месяц набяжыць больш за 22 рублі.
Адзін раз высушыць валасы фенам будзе каштаваць 5 капеек.
Закіпяціць 1,5 літра вады ў чайніку абыдзецца ў 3 капейкі.
Зварыць тры літры баршчу на газавай пліце з улікам вады будзе каштаваць 24 капейкі.
Падагрэць боршч на наступны дзень у мікрахвалёўцы будзе каштаваць 10 капеек.
І, нарэшце, пакуль вы чыталі гэты матэрыял са свайго камп’ютара, патрацілі каля 1 капейкі, а калі з ноўтбука, то менш за палову капейкі.
