Вы тут

Новаку Джокавічу зноў анулявалі аўстралійскую візу

Новак Джокавіч / ria.ru

Аўстралія зноў анулявала візу тэнісіста Новака Джокавіча. Першую ракетку свету збіраюцца дэпартаваць, і шанцаў на тое, што ён прыме ўдзел у Australian Open, амаль няма.

Раней Аўстралія анулявала яго візу праз тое, што тэнісіст не прайшоў курс вакцынацыі ад кавіду. Тэнісіст абскардзіў гэта рашэнне ў судзе, выйграў працэс і нават правёў трэніровку.

Новае рашэнне пра ануляванне візы прыняў міністр іміграцыі Алекс Хоўк. Ён спаслаўся на медыцынскія падставы і "інтарэсы належнага парадку". 

Юрысты сербскага тэнісіста плануюць абскардзіць рашэнне.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.