Нобелеўскую прэмію па хіміі атрымалі навукоўцы, згаданыя ў "памылковай рассылцы"

Нобелеўскую прэмію па хіміі атрымалі навукоўцы, згаданыя ў "памылковай рассылцы". Мунгі Бавендзі, Луіс Брус і Аляксей Якімаў адзначаныя за "за распрацоўку метаду стварэння квантавых кропак" (ён выкарыстоўваецца ў медыцыне).

"Фізікі даўно ведалі, што тэарэтычна ў наначасціц могуць узнікаць квантавыя эфекты, якія залежаць ад памеру, але ў той час было практычна немагчыма ляпіць іх у нанапамерах. Таму мала хто верыў, што гэтыя веды знойдуць практычнае прымяненне", —тлумачыць Нобелеўскі камітэт.

У сераду Нобелеўскі камітэт памылкова разаслаў інфармацыю пра будучых лаўрэатаў прэміі па хіміі. У лісце гаварылася, што ўзнагарода прысуджаная амерыканскім навукоўцам Мунгі Бавендзі і Луісу Брусу, а таксама амерыканскаму (а да 1999-га расійскаму) навукоўцу Аляксею Якімаву. Прадстаўнікі акадэміі пазней заявілі, што яны яшчэ не збіраліся і не вызначалі імёны атрымальнікаў нобелеўскай прэміі. У выніку нічога не змянілася.

5 кастрычніка назавуць нобелеўскага лаўрэата па літаратуры.