Некалькі беларускіх футбалістак на каранціне, старт жаночага чэмпіянату адклалі
![Некалькі беларускіх футбалістак на каранціне, старт жаночага чэмпіянату адклалі](/sites/default/files/styles/gallery_main/public/2023-08/img_2409.jpg.webp?itok=uxBiUG_y)
Старт чэмпіянату Беларусі па футболе сярод жаночых каманд адкладзены. Пра гэта паведамляе прэс-служба Беларускай федэрацыі футбола. Прычынай такога рашэння называецца каранавірус. Некалькі беларускіх футбалістак "кантактавалі з магчымымі носьбітамі віруса COVID-19". Гэта азначае, што яны здалі тэсты і трапілі на каранцін.
Першы тур мусіў прайсці 16-18 красавіка. Калі матчы ўсё ж адбудуцца, пакуль невядома.
У нашай краіне працягваецца футбольны чэмпіянат сярод мужчынскіх каманд. Ужо прайшлі чатыры туры.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.