Навукоўцы: Санкт-Пецярбург, Шанхай, Ганконг і Калькута знікнуць
Здарыцца гэта можа праз 100 гадоў з-за раставання леднікоў.
Навукоўцы ўсур'ёз заклапочаныя глабальным пацяпленнем на нашай планеце. Калі затапленне расійскага горада Санкт-Пецярбург можа быць паступовым — нейкі час ваду стрымаюць дамбы, дык Шанхай, Ганконг і Калькута знікнуць пад вадой імгненна. Таксама знікнуць Ленінградская вобласць і тэрыторыя Ямала.
Пра гэта гаворыцца ў дакладзе спецыялістаў Сусветнага фонда дзікай прыроды, прысвечанага глабальнаму пацяпленню. Паводле дадзеных навукоўцаў, пацяпленне клімату і павышэнне ўзроўню Сусветнага акіяну спыніць немагчыма, адзначае тэлеканал АНТ.
Фота — Flikr.com