НАТА праводзіць найбуйнейшыя за некалькі дзесяцігоддзяў вучэнні

Ваенныя НАТА праводзяць вучэнні Steadfast Defender ("Непахісны абаронца"). Гэта найбуйнейшыя вучэнні за апошнія дзесяцігоддзі, піша Bild.

Альянс адпрацоўвае сцэнар магчымага канфлікту з Расіяй. Сярод іншага адпрацоўваюцца баі на лёдзе і ў снезе. Для вучэнняў былі мабілізаваны каля 90 тысяч салдат з 31 краіны НАТА. У вучэннях таксама прымае ўдзел больш за 50 ваенных караблёў і каля 80 самалётаў.

Ваенныя трэніруюцца ў Нарвегіі, Польшчы, Літве, Румыніі і Венгрыі з лютага гэтага года. Вучэнні працягнуцца 4 месяцы.

Ці магчыма сутыкненне Расіі з НАТА? Мы шукалі адказ на гэтае пытанне ў Сувалках — гэты горад называюць найбольш верагодным месцам пачатку канфлікту.