Нарвегія не прыме Міжнародны кангрэс па гімнастыцы — праз Беларусь і Расію
![Нарвегія не прыме Міжнародны кангрэс па гімнастыцы — праз Беларусь і Расію](/sites/default/files/styles/gallery_main/public/2023-08/himnast-2807.jpg.webp?itok=JUfEsotW)
Нарвегія адмовілася прымаць штогадовы кангрэс Міжнароднай федэрацыі гімнастыкі (FIG), калі ў ім прымуць удзел прадстаўнікі Беларусі і Расіі, паведамляе DW. Гэтае рашэнне прынятае ў адпаведнасці з рэкамендацыямі Алімпійскага камітэта Нарвегіі.
Каб дэлегацыі Беларусі і Расіі маглі прыняць удзел, FIG вырашыла перанесці кангрэс у іншую краіну. Новае месца правядзення яшчэ не выбралі.
У сакавіку 2022-га Міжнародная федэрацыя гімнастыкі адхіліла ад спаборніцтваў беларускіх і расійскіх гімнастак. Аднак афіцыйныя прадстаўнікі абедзвюх краін па-ранейшаму ўваходзяць у розныя камітэты арганізацыі. Напрыклад, прадстаўніца Беларусі Нэлі Кім — адна з трох віцэ-прэзідэнтаў FIG, расіянін Васіль Цітоў — сябра праўлення Федэрацыі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.