Намеснік па культуры галоўнага рэдактара "СБ" у спісе, а 1-ы намеснік — не
Былая намесніца галоўнага рэдактара газеты "Советская Белоруссия" Ганна Шадрына не разумее, па якім прынцыпе складаўся "чорны спіс" ЕС, у які яна патрапіла.
Шадрына: "Як я магу казаць, наколькі гэта апраўдана, калі я не ведаю,
па якім прынцыпе яны складаліся. Але калі я патрапіла ў гэты спіс,
відавочна, што ёсць нейкія прычыны для гэтага. Прычына можа быць адна — у
тым, што я сапраўды працавала ў газеце "Советская Белоруссия". Я нават
не ўяўляю сабе, хто гэтыя людзі, якія гэтыя спісы складалі, і па якім
прынцыпе. Я ж не адна журналістка, якая працавала на дзяржаўныя СМІ".
Адзначым, што Шадрына ўжо больш за месяц не працуе ў газеце "СБ", яна звольнілася пасля выбараў.
Цікава, што з "СБ" у "чорны спіс" патрапілі галоўны рэдактар Павел Якубовіч і 4 яго намеснікі (з улікам Шадрынай). Ганна Шадрына была намесніцай па культуры, а вось першага намесніка Міхаіла Лябедзіка ў спісе няма.