Намеснік камандзіра палка Каліноўскага: вызваленне Беларусі пачнецца ў 2023-м

Байцы палка Каліноўскага / kalinouski.org

Вызваленне Беларусі пачнецца ў наступным годзе. Пра гэта ў інтэрв'ю @charter97_org заявіў намеснік камандзіра палка імя Каліноўскага Вадзім Кабанчук ("Ігар"). Ён лічыць, што цяперашніх кіраўнікоў РБ і РФ чакае міжнародны трыбунал.

"Справядлівасць пераможа, адседзецца ў бункеры не атрымаецца, — кажа Кабанчук. — Хоць Расія геаграфічна вялікая па памерах, у Пуціна яшчэ ёсць розныя схованкі. А таварышу Лукашэнку дзе хавацца?".

Намеснік камандзіра палка імя Каліноўскага нагадвае, што "яны стралялі ракетамі, узлятала авіяцыя з тэрыторыі Беларусі" і гэтага "украінцы не забудуць".

Тым часам полк Каліноўскага займаецца фармаваннем са сваіх прыхільнікаў "сілавога рэзерва" ў Беларусі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.