Вы тут

Намеснік гендырэктара БЕЛТА па ідэалогіі трапіў пад суд

Сяргей Адзярыха

Пад суд трапіў Сяргей Адзярыха — нядаўні намеснік гендырэктара БЕЛТА па ідэалогіі. 

Раней Адзярыха працаваў у адміністрацыі Лукашэнкі і нават атрымліваў ад яго ўзнагароды. 

Але 21 верасня 2021 года інфармацыя пра чыноўніка перастала паступаць. 

Журналістам удалося высветліць, што зусім нядаўна Адзярыху судзілі: яго прозвішча з'явілася ў дакументах суда Савецкага раёна Мінска. Паведамляецца, што суд адбыўся па ч. 2 арт. 426 (перавышэнне ўлады). За гэта пагражае ад 2 да 6 гадоў пазбаўлення волі.

Судзіў Адзярыху Аляксандр Воўк, вядомы шматлікімі прысудамі па палітычных справах. Аднак вынік суда журналісты даведацца не змаглі. Сваякі Адзярыхі паведамілі толькі, што ён на волі. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.