Надзвычайныя здарэнні на аэрадромах у Расіі, пашкоджаныя самалёты, ёсць ахвяры
![З аэрадрома ў расійскім Энгельсе меркавана вылятаюць бамбавальнікі, якія бамбяць тэрыторыю Украіны / ruspotting.net](/sites/default/files/styles/gallery_main/public/2023-08/airport_5_12.jpg.webp?itok=Ctsfdp_y)
З аэрадрома ў расійскім Энгельсе меркавана вылятаюць бамбавальнікі, якія бамбяць тэрыторыю Украіны / ruspotting.net
Як мінімум тры чалавекі загінулі, яшчэ шэсць пацярпелі ў выніку надзвычайнага здарэння на аэрадроме пад Разанню. Там ад выбуху загарэўся бензавоз. Пра гэта паведамляюць расійскія медыя са спасылкай на прадстаўніка надзвычайных службаў.
"Папярэдне, адбылося ўзгаранне бензавоза ў выніку выбуху. Пацярпелі, па папярэдняй інфармацыі, дзевяць чалавек, трое з іх загінулі", — сказала крыніца. У выніку выбуху бензавоза пацярпеў таксама самалёт.
Яшчэ два самалёты Ту-95 пашкоджаныя ў выніку атакі дрона на авіябазе ў Энгельсе Саратаўскай вобласці. Двое вайскоўцаў параненыя. Паводле звестак крыніц ASTRA, пашкоджанні атрымалі два бамбавікі-ракетаносцы Ту-95. Менавіта з аэрадрома ў Энгельсе выляталі Ту-95 ва Украіну, пісалі ўкраінскія СМІ.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.