Надвор'е на суботу: рыхтуйцеся фатаграфаваць снег

У суботу на большай частцы Беларусі выпадзе снег / pixabay

Снег выпадзе сёння, 19 лістапада, на большай частцы тэрыторыі Беларусі. Па ўсходзе краіны пройдзе моцны снег, а на паўднёвым усходзе чакаюць нават слабую завею.

"На асобных частках дарог галалёдзіца. Вецер паўночна-ўсходні ўмераны, па паўднёвым усходзе імпэтны", — папярэджваюць сіноптыкі.

Тэмпература паветра ўдзень не падымецца вышэй за -1°С.

У Мінску будзе хмарна і таксама з вялікай імавернасцю пройдзе снег. Кіроўцам варта быць асцярожнымі праз галалёдзіцу. Тэмпература паветра раніцай будзе каля -5..-6°С, днём -3..-5°С, вечарам -4..-6°С.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.