Нацыянальнае адраджэнне: ці магчымае і якім чынам — стрым з Коўшык
Пра тое, што склад Аб’яднанага пераходнага кабінета будзе пашырацца, як будуць і павялічвацца сферы, на якія скіруецца яго дзейнасць, было заяўлена ў дзень стварэння самога гэтага кабінета. Прайшло крыху больш за месяц з таго часу, і вось новае “прызначэнне” — прадстаўніцай па нацыянальным адраджэнні стала цяпер ужо былая вядоўца “Белсата” Аліна Коўшык.
Што прымусіла яе пакінуць працу журналіста і далучыцца да Аб’яднанага пераходнага кабінета? Што канкрэтна маецца на ўвазе пад “нацыянальным адраджэннем” і ці ёсць рэсурсы для ажыццяўлення планаў па гэтым адраджэнні? Якім чынам плануецца праводзіць гэтае адраджэнне на тэрыторыі ўласна Беларусі? На гэтыя ды іншыя пытанні адказвае прадстаўніца Аб’яднанага пераходнага кабінета па нацыянальным адраджэнні Аліна Коўшык.
