Нацбанк захаваў стаўку рэфінансавання, нягледзячы на паскарэнне інфляцыі
Стаўка рэфінансавання і адсоткавыя стаўкі па аперацыях рэгулявання ліквіднасці Нацбанка застануцца на цяперашнім узроўні. Такое рашэнне прынятае праўленнем Нацбанка па выніках пасяджэння 3 траўня 2019 года.
Сёння стаўка рэфінансавання роўная 10%.
У Нацбанку адзначаюць, што ў першым квартале 2019 года рост інфляцыі паскорыўся. Гадавы прырост спажывецкіх цэн у сакавіку 2019 года склаў 5,8% (у снежні 2018-га ён склаў 5,6%). "Такая дынаміка цэн абумоўлена галоўным чынам кароткатэрміновымі фактарамі", — падкрэсліваюць у галоўным фінансавым рэгулятары.
Мяркуецца, што захаванне стаўкі рэфінансавання на цяперашнім узроўні дапаможа запаволіць інфляцыйныя працэсы.
Наступнае пасяджэнне Праўлення Нацбанка па грашова-крэдытнай палітыцы запланаванае на 7 жніўня 2019 года.
